ینه ده بیر ینی کیتاب "بیر آز درینه گئدیرم" آدیلان 

 موغان ایفتخارلاریندان چاپ آلتینا گئتدی "رامین

جهانگیر زاده "۱۳۵۶ ـجی ایلده آنادان اولموش گنج

 یازیچی وشاعیرین هئچده بیر اینجی کیتابی دئییل

نئچه مقاله . شعر وحئکایه وطنز نثرلر ساحه سینده

 اولان یازیلاری نئچه  نشریه لر ده چاپا گئدیرمنجه

علاوه معلوماتلار آلماق اوچون بو کیتابی آلیب

اوخوساز داهایاخجی اولار بو کیتابی دانشجو

کیتاب ائویندن(موغانشهرین ارس بیماریستانینین

روبروسی) الده ائده بیلرسینیز

فینجانلار رقصی آدلی  شعر   کیتابین  ائله 

 ایندی  موغانشهریندانشجوکیتاب ائویندن الده

ائده بیلر سیز بو کیتابدا بالاجا فورماسینا باخمادان

  بویوک سوزلر وارموطلق بو کیتابی آلماقا داها

 چالیشین اولسون کی بو عزیز و حورمتلی

 شاعیره  بئله  لیکله  یاردیم  ائتمگه چالیشاق 

و بو شاعیردن بیر شعر

عادتا گلدیم

                 سنه باخدیم

عادتا کافده ایچیردین

                               آجی قهوه نی

گؤرمدین منی گؤرمدین ینه

پریشان گئدیم

                    بوروق کوچه نی

شعر:شهريار

بو گئجه باده ايله دفع ملال ائيله ميشمم                                                   عؤمرون بير گئجه سينده بئله حال ائيله ميشم
بيز هارا، تار هارا، يا رب، گئجه مئيخانه هارا؟
اونودوب دردي بو ايّامدا مجال ائيله ميشم
ساقي نين غمزه سي اوخ، مئي جامي اولموش سپريم
فلكين جؤورو ايله جنگ و جدال ائيله ميشم
مئي دمير تك ائله ييب جانيمي، غمله ووروشوم
غم دئمه، دوشمنيمي روستم زال ائيله ميشم
آجي ايامي شيرين ائتمگه سرخوش دولانيب
كؤنلومو ايندي اسير خط و خال ائيله ميش
گؤرموشم من اوزونون ياري سيني، تك قاشيني
اي اوزونده نئجه گؤر سئير هلال ائيله ميش
گئتميش هيجران اوروجو گؤرجك هلال قاشلاريني
بايرام اولموش بو گؤروش عزم و وصال ائيله ميشم
گؤرموشم اوزده او زرّين تئلي پروانه كيمي
يانميشام اودلارا، ترك پروبال ائيله ميشم
عشق درسي منه اؤيرتسه ده هيجران غميني
عشقه دوشمكله بئله كسب كمال ائيله ميشم
ياتماييب صوبحه كيمي من گئجه گون اوزلو يارين
سينه سي گوزگوم اولوب، سئير جمال ائيله ميشم
ساقي نين زلفونه عشق باغلاماسا عؤمرو اگر
من بئله درك ائله ييب، بؤيله خيال ائيله ميشم
شهريارا غزل ائتميش مني جئيران، گؤزليم
گؤر غزل ايله نئجه صيد غزال ائيله ميشم

بو شهر                                       2/2/86

من   کیمین    یالقیز    اولوبدور    بو  شهر

عشقیسیز   عاشیق    اولوبدور   بو  شهر

خیاوانلاردا ، بازاردا ، کوچه  ده  هر   یئرده

گیزلدنمیر کدرین یورقون اولوبدور  بو شهر

نیلسین چوخدی بو دونیاده حقیقتله یالان

آییرانمیر  یالانی   ائله   من  تک   بو  شهر

او قدر   ره  دییشیبدور  بو  بالانلار  عالمده

غرق اولوب من کیمی او ره لر ایچینده بو شهر

ره به ره سوزلری  آرتیق  یئریدیرلر  جانینا

خسته دیر جانی یازیق دیر ائله من تک بو شهر

او  قدر  پیس  حرکت  گوردی  بو  دونیاده  یازیخ

یازیخ  اولدی  زارییر  من  کیمی  هر آن بو شهر

بو شهر چوخلی بی عارلیق  گوروب  چورویوب

پاسلانیب دیر اورگی قان قوساجاقدور بو شهر

ایستیر  باده  ایچه  بلکه    اورک    جلا   تاپا

گوز   آچا  بلکه  گوره  ائله من تک بو  شهر

بیر عنایت ائله  یا  رب  دوزله  بلکه   جاهان

داها آرتیق داوامی یوخ اولجک دیر  بو شهر

یالواریم   چونکی  یارا  درمانی   سن  سن

ائله  سن   سیز   قالیب   آغلیر    بو   شهر

                                    "فخرالدین محمدی"